Астананың маңында жаппай жол-көлік апатынан бір жолаушы қаза тапты, деп хабарлайды kznews.kz.
Астана – Ерейментау – Шідерті автожолының 94–95 шақырым аралығында жеті автокөліктің қатысуымен жол-көлік оқиғасы болды.
Апат салдарынан әртүрлі деңгейдегі жарақат алған екі адам медициналық мекемеге жеткізілді. Ал бір жолаушы оқиға орнында көз жұмды.
Аталған дерек бойынша сотқа дейінгі тергеу басталып, оқиғаның барлық мән-жайы анықталып жатыр.