10 желтоқсан, 2018
АСТАНА. ҚазАқпарат - Қазақстандық боксшы, бірінші ауыр салмақта өнер көрсететін Асқат Жантұрсынов (3-0, 3 КО) кәсіпқой бокстағы кезекті қарсыласын нокаутпен жеңді, деп хабарлайды ҚазАқпарат Sports.kz-ке сілтеме жасап.
Асқат АҚШ-тың Техас штатындағы Остин қаласында америкалық Майкл Коронадомен (1-1-2, 0 КО) айқасты. Төрт раундқа есептелген кездесуде Жантұрсынов үшінші раундта қарсыласын сұлатып салды.
Биыл шілдеде кәсіпқой боксқа қадам басқан Асқат осымен үшінші нокаутын тойлады.
Коронадомен кездесудің негізгі сәттерін боксшы өзінің Instagram парақшасында жариялады.
