Әйелдің айтуынша, ересек ұлы мас күйінде үйде жанжал шығарып, анасын балағат сөздермен қорлаған.
Полиция мәліметінше, бұл іс сотта қаралып, оған қатысты қорғау нұсқамасы шығарылды. Сондай-ақ, ер адамға алкоголь, есірткі және психотроптық заттарды пайдалануға тыйым салынып, мінез-құлқына арнайы талаптар қойылды. Қосымша түрде психологиялық көмек алу шарасы да белгіленді.
Облыстық ПД дерегінше, қазір ерекше бақылауда шамамен 1,5 мың адам бар. Жыл басынан бері полицияға тұрмыстық зорлық-зомбылық бойынша 50 арыз түскен. Нәтижесінде 72 қорғау нұсқамасы қабылданып, 15 құқық бұзушыға арнайы шектеулер қойылды. Сонымен қатар әлеуметтік қауіпті жағдайда тұрған бес отбасы бақылауға алынды.