Бүгін, 18:50
Ақтөбе облысының Қарғалы ауданындағы Жосалы ауылында мектеп қызметкері суға кетіп қаза тапты, деп хабарлайды kznews.kz.
Облыстық білім басқармасының мәліметінше, 59 жастағы ер адам мектепте слесарь болып жұмыс істеген. Қайғылы оқиға 25 мамыр күні, соңғы қоңыраудан кейін болған.
Сол күні ол отбасы және достарымен бірге Қуағаш өзеніндегі бөгет маңына демалуға барған. Алайда суға түсуге арналмаған жерде суға батып кеткен.
Куәгерлер ер адамды құтқарушылар келгенге дейін судан шығарып алған. Алғашқы көмек көрсетілгеннен кейін ол Бадамша ауруханасына жеткізілгенімен, дәрігерлер оның өмірін сақтап қала алмады.
