АҚШ-та өткен әлем чемпионатында қазақстандық 5 зілтеміршінің бесеуі де алтын жүлдені иеленді - Қазақстан жаңалықтары

Бүгін қазақстандық екі зілтемірші алтын жүлдеге ие болды. Лас-Вегасте өтіп жатқан жасөспірімдер арасындағы әлем чемпионатына аттанған қазақстандық 5 зілтеміршінің бесеуі де бірінші орынға ие болды, деп хабарлайды ҚР ауыр атлетика федерациясының баспасөз қызметіне сілтеме жасап Stan.kz.

Бүгін 81 келі салмақ дәржесеніде Ольга Пастухова жалпы 215 келіні (92 келі+123 келі) еңсеріп, алтын жүлдені иеленді. Ол кезекті рет әлем чемпионы атанды. 

Ал Рахат Бекболат 96 келіге дейінгі салмақ дәрежесінде бақ сынап, жалпы 323 келіні (144 келі+179 келі) еңсеріп, жеңіске жетті.

Еске сала кетсек, 8-15 наурыз аралығында Лас-Вегасте ауыр атлетика бойынша жасөспірімдер арасында әлем чемпионаты өтуде. Жарысқа әлемнің 50 елінен 13-17 жас аралығындағы 200-ден аса спортшы қатысты. Қазақстанның атынан додаға 5 зілтемірші аттанған. Олардың бәрі алтын жүлдені қанжығаға байлады. 

Stan.kz сайтын Telegram арқылы оқыңыз. Арнамызға жазылыңыз.