Бүгін, 20:38
Танымал әнші Алтынай Жорабаеваның қызы жақын күндері тұрмысқа шығатыны белгілі болды, деп хабарлайды Kznews.kz.
Желіде журналист Анна Данченко сүйінші жаңалықты бөлісіп, әншінің өзі де бұл қуанышты сәтті растағанын жазған.
«Алтынай Жорабаеваның қызы тұрмысқа шықпақ. Жағымды жаңалықпен әншінің өзі бөлісті. Құтты болсын!», - деп жазды журналист.
Айнара есімді қызына жігіті үйленуге ұсыныс білдіріп, бойжеткен бұл ұсынысқа "иә" деп жауап берген.
Өз кезегінде Алтынай Жорабаева қуанышты жаңалыққа жүрекжарды тілегін арнап, "Бақыттарың баянды болсын, жандарым. Алтындарым, балапандарым", - деп жазды.
Желі қолданушылары да бұл жаңалықты жылы қабылдап, жас жұбайларға бақыт тілеп, құттықтау лебіздерін жаудырып жатыр.
