Полиция ер адамды өлтіріп кеткен немесе көлік қаққаннан кейін көз жұмған деп болжап отыр
Ташкент тас жолында Наурызбай ауданында орналасқан "Апорт" сауда және ойын-сауық орталығына қарсы бетте ер адамның мәйіті табылды, деп хабарлайды Sputnik Қазақстан тілшісі.
Тергеудің алдын ала қорытындысы бойынша 1972 жылы туған ер адамды өлтіріп кеткен. Ол алған жарақатынан сол жерде жан тапсырған.
Оқиға орнында жедел тергеу тобы жұмыс істеп жатыр.