19 наурыз, 2020
Алматыдағы барлық фитнес және СПА-орталықтар, сұлулық салондары карантин кезінде жұмыс істемейді, деп хабарлайды Stan.kz ақпарат агенттігі.
Қала әкімдігінің баспасөз қызметінің мәліметінше, жергілікті жерлерде мониторингті аудандық әкімдер мен прокурорлар жүзеге асырады. ТЖ кезеңінде белгіленген талаптар сақталмаған жағдайда бизнес иелеріне әкімшілік жауапкершілік қарастырылған.
"Қаланың барлық мейрамханалары, кафелері мен асханалары келушілерді қабылдауды тоқтатады. Аталған қоғамдық тамақтану нысандары үшін санитарлық-эпидемияға қарсы шараларды күшейте отырып, "клиенттерге дейін жеткізу" принципі бойынша жаңа жұмыс режимі орнатылады", - делінген әкімдік хабарламасында.
Бұған дейін қаладағы карантин кезінде барлық мешіттер жабылатыны хабарланды.
stan.kz
