Қалалық полиция департаментінің дерегінше, жасөспірімдердің тұлғасы анықталған.
– Екі кәмелетке толмаған жасөспірімге жеке мобильді көлік құралдарын пайдалану ережесін бұзғаны үшін әкімшілік жауапкершілік жүктелді. Сондай-ақ олардың ата-аналарына балаларды тиісті деңгейде бақыламағаны үшін шара қолданылды, – делінген полицияның ресми хабарламасында.
Бұған қоса, тәртіп сақшылары жасөспірімдермен және олардың ата-аналарымен алдын алу әңгімесін өткізіп, мұндай оқиғалардың салдары мен жауапкершілігін түсіндірді. Полиция өкілдері мұндай жағдайлар кешенді түрде қаралып, әкімшілік шаралар мен профилактикалық жұмыстар қатар жүргізілетінін атап өтті.
