27 қаңтар, 2019
Алматыдағы Қимасар аңғарында лагерьден өздігінше қайтпақ болған азамат адасып кетті. Бұл туралы Алматы қаласы әкімі аппаратының ШЖҚ "Алматы қаласының құтқару қызметі" МКК баспасөз қызметіне сілтеме жасаған NUR.KZ хабарлайды.
Фото: pixabay.com
Жас жігіт тауға демалу үшін өз достарымен шыққан. Олар тауда түнелтіп қалуды жөн көріпті.
Алайда, кеш қарая олардың біреуі үйге өздігінше қайтып кетпек болып, адасып кеткен.
Бұл туралы жас жігіт өз досына айтыпты. Ал жолдасы құтқарушыларға жігіттің қай жақта тұрғанын жеткізген екен.
Оқиға орнына жеткен құтқарушылар туристі аталған орыннан таппай қалған. Артынша оның шибөрілердің көзіне түспес үшін басқа мекен-жайға кетіп қалғаны белгілі болыпты.
Құтқарушылар туристке таудан түсуге көмектесті.
Сіздің реакцияңыз
Тағы да оқыңыздар
Дереккөз: kaz.nur.kz
