8 мамыр, 2025
2025 жылғы 4 мамырда Алматы тауларында қыз баланың мәйіті табылды. Алдын ала мәлімет бойынша, қайтыс болған адам – қаладағы жоғары оқу орындарының бірінде білім алатын студент, деп хабарлайды kznews.kz тілшісі cmn.kz порталына сілтеме жасап
Бұл жайтты Алматы қалалық Полиция департаменті растады.
— Аталған оқиға бойынша Медеу ауданының полиция басқармасы тергеу жүргізіп жатыр, — делінген құқық қорғау органдарының хабарламасында.
Қалалық Төтенше жағдайлар департаменті марқұмның денесі теңіз деңгейінен 2 500 метр биіктікте, «Горельник» шатқалындағы сарқырама маңынан табылғанын мәлімдеді.
Ведомство өкілдері тауға баратын туристерге дауылды ескертулерге мән беріп, жабайы табиғатта қауіпсіздік ережелерін қатаң сақтауға кеңес берді.
