Алматы маңындағы тасжолда жол апаты салдарынан Үндістаннан келген студенттер қаза тапты, деп хабарлайды kznews.kz.
Tengrinews.kz мәліметінше, қайғылы жағдай 6 қаңтар күні тіркелген.
Астанадағы Үндістан елшілігінің хабарлауынша, апатқа ұшыраған көлікте Үндістанның бес азаматы болған. Олардың төртеуі Шымкент қаласындағы Оңтүстік Қазақстан медицина академиясында білім алып жүрген студенттер, ал біреуі турист болған. Олар Шымкенттен Алматыға жолға шыққан.
Елшілік таратқан ақпаратқа сәйкес, екі адам оқиға орнында көз жұмған. Тағы үш азамат ауыр жарақат алып, қазір жансақтау бөлімінде дәрігерлердің бақылауында жатыр.
Сондай-ақ Үндістан елшілігі қаза тапқан студенттердің отбасыларына көңіл айтып, марқұмдардың Раджастхан штатынан шыққанын мәлімдеді.
