Бүгін, 09:35
Алматы қаласында мектеп оқушысы сабаққа балта алып келіп, шабуыл жасауды жоспарлағаны анықталды, деп хабарлайды kznews.kz.
Оқиға Жетісу ауданында болған. Тергеу мәліметінше, кәмелетке толмаған қыз әлеуметтік желілер арқылы алған нұсқаулардың ықпалымен құқыққа қарсы әрекетке бармақ болған.
Алайда полиция қызметкерлері дер кезінде әрекет етіп, ешкімге зиян келтірілмей тұрып жасөспірімді ұстады. Қазіргі уақытта оқиғаның барлық мән-жайы анықталып жатыр. Сонымен қатар, қызды мұндай әрекетке итермелеуі мүмкін тұлғалар да тексерілуде.
Ал оның ата-анасына қатысты баланы тәрбиелеу міндеттерін тиісінше орындамау дерегі бойынша сотқа дейінгі тергеу басталған.
