9 қараша, 2018
Алматыда автобустардың бірінде егде жастағы ер адамға жұдырық ала жүгірген жігіттің оқиғасына қатысты жаңа дерек шықты. Егде жастағы жолаушыны итеріп жатқан жігіттің видеосы 6 қарашада әлеуметтік желілерде таралып, біраз шу шығарған еді, - деп хабарлайды Tengrinews.kz тілшісі.
Ролик авторы шабуылдаған жігітті кондуктор деп айтып отыр. Алайда тасымалдаушы бұл мәліметті жоққа шығарды.
Кейінірек 8 қарашада Instagram желісін жігіттің өз әрекеті үшін кешірім сұрап жатқаны түсірілген видео таралды. Видео кадрларынан жұдырық ала жүгірген жігіттің әрекетіне өкініп тұрғаны көрінеді. Оны кешірім сұрауға біреулер мәжбүрлеген деген болжам да бар.
