Бүгін, 09:15
Қарағанды облысының Бұқар жырау ауданында қайғылы оқиға тіркеліп, үш жасар бала зардап шекті, деп хабарлайды kznews.kz.
Алдын ала мәліметке сәйкес, мәдени нысанның сыртқы қаптамасының бір бөлігі үзіліп, төменге құлаған. Сол сәтте жақын маңда жүрген бүлдіршіннің үстіне түсіп, оны жарақаттаған.
Бала дереу медициналық мекемеге жеткізіліп, дәрігерлердің бақылауына алынған. Қазіргі таңда оның жағдайы нақтыланып жатыр, қажетті медициналық көмек көрсетілуде.
Аталған дерек бойынша қылмыстық іс қозғалды. Тергеу «қауіпсіздік талаптарына сай келмейтін жұмыстарды орындау немесе қызмет көрсету» бабы бойынша жүргізілуде.
Қазір оқиға орнында жедел-тергеу тобы жұмыс істеп, ғимараттағы ақаудың себептерін, жауапты тұлғаларды және қауіпсіздік талаптарының сақталуын анықтап жатыр.
