Қысқа сілтеме алу
Сотталғандарға өмір бойына мемлекеттік қызметте жұмыс істеуге тыйым салынды
НҰР-СҰЛТАН, 11 шілде – Sputnik. Алматы облыстық мәслихатының депутаты ұлымен бірге 111 миллион теңге айыппұл төлейтін болды, деп хабарлайды Sputnik Қазақстан.
Сыбайлас жемқорлыққа қарсы іс-қимыл агенттігінің ақпаратынша, Алматы облыстық ауыл шаруашылығы басқармасының басшысы С.Бекішев пен облыстық мәслихаттың депутатына сот үкімі шықты.
Сот барысында облыстық мәслихаттың депутаты, "УМР-3" ЖШС басшысы Б.Артемов ұлымен бірге Талғар су торабын күрделі жөндеу бойынша орындалған жұмыстардың актісіне кедергісіз қол қою үшін Бекішевке 5 550 000 теңге пара берген.
Тағы оқыңыз: Қазақстанда бірнеше полицей сотталды
"Талдықорған қалалық сотының үкімімен Бекішев пара алғаны үшін 4 жылға сотталды. Ал депутат пен оның ұлына пара бергені үшін әрбіреуіне 55,5 миллион теңге айыппұл салынды", - делінген хабарламада.
Сондай-ақ, сотталғандар өмір бойына мемлекеттік қызметте жұмыс істеу құқығынан айырылды.
sputniknews.kz
