Іс Алматы облысының Қарасай аудандық сотында қаралған. Жақсыгенге Қылмыстық кодекстің 274-бабы 2-бөлігі 3-тармағы, яғни онлайн-платформаларды пайдаланып көрінеу жалған ақпарат тарату дерегі бойынша айып тағылған.
Жәбірленуші Фариза Сабырәлиеваның адвокатының мәліметінше, сот актерді кінәлі деп таныған.
«Сот Нұрсұлтан Жақсыгенді кінәлі деп танып, оған 2 жыл 3 ай мерзімге бас бостандығынан айыру жазасын тағайындады. Жазасын қылмыстық-атқару жүйесінің қауіпсіздігі орташа мекемесінде өтейді», – деп жазды адвокат.
Сонымен қатар сот жәбірленуші Фариза Сабырәлиеваның азаматтық талабын ішінара қанағаттандырған.
Сот шешіміне сәйкес, оның пайдасына 5 миллион теңге өндірілетін болды.
Үкім шыққаннан кейін Нұрсұлтан Жақсыген сот залында қамауға алынды.