Танымал әнші Еркін Нұржановтың әкесі Шымкент қаласындағы №2 қалалық аурухананың инсульт орталығына түсіп, ем қабылдап жатыр, деп хабарлайды Ozgeris.info.
Бұл туралы аталған медициналық мекеменің дәрігері Руслан Тастанбеков әлеуметтік желідегі парақшасында мәлімдеді.
"Еркін Нұржанов ағамыздың әкесі 2 қалалық аурухананың инсульт орталығына түскен еді. Қазіргі таңда жағдайы жақсарып келеді. Ағамыз алғысын білдіруде. Ата-аналарымыз аман болсын, ауырмасын!" – деп жазды дәрігер.
Желі қолданушылары да қарияға жылы лебіздерін білдіріп, тезірек сауығып кетуін тіледі. "Алла шипасын берсін", "Аман болсын", "Жақсы болып кетсін" деген тілектер көптеп жазылуда.