Бүгін, 16:59
Танымал әнші Еркін Нұржанов әлеуметтік желідегі парақшасында қуанышты жаңалығын бөлісті, деп хабарлайды kznews.kz.
Өнер иесі оқырмандарын қасиетті Рамазан айының басталуымен құттықтап, дәл осы айда әке атанғанын жеткізді.
"Рамазан айы құтты болсын! Аллаға шүкір, шын асылға жеттік. Ей, жақсылар, сүйінші! Рамазанның алғашқы жұмасында қызды болдым", – деп жазды әнші.
Әншінің жары Динара да парақшасында жүрекжарды жазба қалдырып, "16 жасымнан бері қол ұстасып келе жатырмыз" деп бөлісті. Бұл сөз көпшіліктің ерекше ықыласына бөленді.
Айта кетейік, бұған дейін Еркін Нұржанов жеке өміріне қатысты қызықты дерек айтқан еді. Жұбайымен араларында 14 жас айырмашылық бар екенін жасырмаған.
