Бүгін, 09:49
Мемлекет басшысы Қасым-Жомарт Тоқаев Қазақстан халқын Абай күнімен құттықтады.
Мемлекет басшысы құттықтауында Абай мұрасы қазақ халқының ғана емес, әлемдік мәдениеттің де маңызды бөлігі екенін атап өтті.
Қасым-Жомарт Тоқаевтың айтуынша, ұлы ақынның шығармалары мен қара сөздерінде көтерілген мәселелер бүгін де өз маңызын жоғалтқан жоқ.
- Абай ілімі – рухани шамшырағымыз, айнымас темірқазығымыз, – деді Президент.
Абайдың "Толық адам" идеясы, білім мен еңбекке шақырған ойлары, елдің кемшілігін ашық айтып, бейқамдық пен жалқаулықтан арылуға үндеген ұстанымы қазіргі қоғам үшін де өзекті.
Сондықтан Абай мұрасын тек өткеннің рухани қазынасы ретінде емес, бүгінгі қоғамдық өзгерістерге бағыт беретін құндылық ретінде қарастыруға болады.
Президент ұлы ойшылдың шығармашылық әрі зияткерлік мұрасы ұлттық мәдениеттің асыл қазынасы екенін атап өтті.
