Бүгін, 10:06
Танымал әзілкеш Тұрсынбек Қабатовтың екінші жары Айман Талғатқызы өнер иесінің туған жері Оралда лайықты деңгейде бағаланбай жүргеніне қатысты пікір білдірді.
Әлеуметтік желі қолданушыларының бірі «ажырасқаннан кейін туған жері ұнатпай қалған шығар» деген болжам айтқан. Бұған Айман Талғатқызы қысқа жауап қалдырды.
"Ал құрметтесе, ажыраспай тұрып-ақ көрсетпей ме сол құрметтерін?" – деп жазды ол.
Айман Талғатқызының айтуынша, Тұрсынбек Қабатов 26 жыл бойы сахнада еңбек етіп келеді. Осы уақыт аралығында еліміздің өзге өңірлерінде оған құрмет көрсетіліп, шапан жабылып, ат мінгізілген кездер де болған.
Алайда оның сөзінше, әзілкештің туған жері Оралда шығармашылығының 20 немесе 25 жылдығына арналған арнайы кеш ұйымдастырылмаған.
Сондай-ақ ол өнер иесіне туған өлкесінде қарапайым құттықтау қағазы да табысталмағанын айтып, осы жайтқа көңілі толмайтынын білдірді.
