Бүгін, 12:11
Бүгін 2026–2027 оқу жылына арналған мемлекеттік білім беру гранттарының иегерлері белгілі болады.
Ғылым және жоғары білім министрлігінің мәліметінше, гранттар конкурсының қорытындылары республикалық комиссияның отырысында бекітілген. Енді грант иегерлерінің толық тізімі министрліктің ресми ақпараттық ресурстарында жарияланады.
Жалпы, биыл мемлекеттік гранттарға 127 мың талапкер өтініш берген. Мемлекеттік тапсырыс бойынша 75 мың білім гранты бөлінді. ҰБТ-ға 233 мың талапкер қатысып, олардың 76 пайызы шекті балды еңсерді.
Бөлінген гранттардың 60 пайызы инженерлік-техникалық мамандықтарға, 20 пайызы педагогикалық бағыттарға, қалған 20 пайызы өзге білім беру бағдарламаларына қарастырылған.
Министрлік талапкерлерге гранттар конкурсының қорытындысын ресми ақпарат көздері арқылы тексеруді ұсынады.
