Журналист Руслан Өтепбай қанды оқиғаға қатысты арнайы бағдарлама түсіруге Көкқайнарға барды. Қаралы үйге кіріп шығып, оқиғаның мән-жайын анықтады.
”Апарып, шапалақпен ұрдық. Ондайды көрмедік қой. Талып қалған шығар деп ойладық”,- деген мектеп оқушысы.
Мирасты 5 бала ұрып соққан. Оның үшеуі “адам өлтіру” бабы бойынша, қалған екеуі “бұзақылық” бойынша істі болып жатыр.
Қылмысқа қатысты дегендердің бәрі - бір мектепте оқитын 11-сынып оқушылары.
Марқұмның анасы баласынан айырған ауылдан безіп отыр. Қашан көрсең жадырап жүретін, жарқын жүзді ұлын сағынатынын айтады:
"Тұрғым келмейді. Қалғым келмейді мына ауылда”,- деді етегі жасқа толған ана.