Өзбекстанда аса қатыгез қылмыс тіркелді. 36 жастағы ер адам қызғаныштан әйелін аяусыз соққыға жығып, үстіне жанармай құйып, тірідей өртеген, деп хабарлайды kznews.kz.
Отқа оранған әйел аман қалу үшін өзенге секіріп, жалыннан құтылуға әрекеттенген. Оны жақын маңдағы тұрғындар судан шығарып алып, алғашқы медициналық көмек көрсеткен.
Ауыр күйік алған жәбірленуші ауруханаға жеткізілгенімен, бірнеше күннен кейін алған жарақаттарының салдарынан көз жұмды. Тергеу барысында құқық қорғау органдары бұл әрекеттің қасақана, алдын ала жоспарланған қылмыс екенін анықтады.
Сот шешімімен күдікті кінәлі деп танылып, 15 жылға бас бостандығынан айырылды.
