Әзербайжанның Нахчыван қаласында мектеп мұғалімі сабақ үстінде кенеттен қайтыс болды, деп хабарлайды kznews.kz.
Baku.az таратқан мәліметке сәйкес, қайғылы жағдай Нахчывандағы №17 орта мектепте орын алған.
Сабақ өтіп жатқан кезде әзірбайжан тілі мен әдебиеті пәнінің мұғалімі Наиля Будагова өзін кенеттен жайсыз сезініп, есінен танып қалған. 21 жылдық педагогикалық тәжірибесі бар ұстазға дереу көмек көрсетілгенімен, оның өмірін сақтап қалу мүмкін болмады.
Алдын ала болжам бойынша, мұғалімнің жағдайының күрт нашарлауына миға қан құйылу себеп болған.
Қазір оқиғаның нақты мән-жайын анықтау жұмыстары жүргізіліп жатыр.
