28 қазан, 2025
Тергеу мәліметінше, Қасымбаев 2021 жылы аралас жекпе-жек жаттықтырушысы Арман Алимовты ұрлап, ауыр дене жарақатын салған деп айыпталып отыр. Сондай-ақ ол 2016 жылы Аюпжан Тажиевке шабуыл жасағандеген күдікке ілінген.
Бұл іс бойынша Қасымбаевпен бірге тағы бес адам сот алдында жауап беріп жатыр. Олар тағылған айыптардың барлығын қолдан жасалған деп есептейді.
Сот отырысы ашық форматта өткеніне қарамастан, журналистердің залға кіруіне рұқсат берілмеген, ал куәгерлер мен жәбірленушілердің мәлімдемелерін жариялауға тыйым салынған.
Айта кетейік, Хасан Қасымбаевтың есімі өткен жылы кеңінен белгілі болды. Ол «Хуторские» деп аталатын ұйымдасқан қылмыстық топпен байланысы бар деген болжам айтылған. Бұл топ 16 жастағы Шерзат Полатты өлтіру ісіне қатысты деп күдікке ілінген. Алайда Қасымбаев өзіне тағылған айыптарды жоққа шығарып, қылмыстық топқа қатысы жоқ екенін мәлімдеген.
