Бүгін, 14:15
Бүгінде Астана қаласының демографиялық келбеті жасарып, халық саны тұрақты өсім көрсетіп отыр.
Мәселен, Ұлттық статистика бюросының деректеріне сәйкес, елордада бүгінде 1 674 699 тұрғын бар. Оның ішінде қаладағы әйелдер саны ерлерден айтарлықтай көп екені белгіліболды. Осы сәтте Астанадағы 884 029 әйелге 790 670 ер адам сәйкес келеді екен. Бұл гендерлік құрылым урбанизация үдерісінің табиғи ерекшелігін айқындайды.
Жалпы, елорда тұрғындарының орташа жасы 30,9 жас шамасынла. Мамандар мұны Астананың «жас қала» ретіндегі демографиялық статусын дәлелдейтін негізгі көрсеткіштердің бірі деп бағалайды.
Ал 2025 жылы Астанада 27,4 мың нәресте дүниеге келген. Қазіргі таңда қалада 18 жасқа дейінгі 545 мың бала тұрады екен. Бұл көрсеткіштер елорданың болашақта да демографиялық тұрғыдан қарқынды дамитынын аңғартады.
Айтпақшы, елімізде «Астана» есімі берілген 26 адам тұрады. Бұл елорданың символдық мәнінің қоғамдағы ерекше орнын да көрсетеді.
