Адвокат сотта банкті жеңді
Қарағанды қаласының әкімшілік соты мүгедек тұрғынның аукционға қойылған үйін қайтарып берді. Бұл туралы заңгер Джохар Өтебеков мәлімдеді, деп хабарлайды Stan.kz ақпарат агенттігі.
«Қарағанды қаласының әкімшілік соты тұрғынның жалғыз баспанасын аукционға қоюды заңсыз деп танып, мүгедек әйелдің құқығын қалпына келтірді. Бұл үй тұрғынның меншігінде қалады. Бұл үлкен жеңіс! Бұл жеңіс біздің өмірімізді жақсы жаққа өзгертеді. Судья А. банктің жылжымайтын мүлік бағасын екі есе түсіруін негізсіз деп тапты”, – деп жазды Джохан Өтебеков Facebook-тегі парақшасында.
Судья Қаржы нарығын реттеу агенттігіне ЦентрКредит Банкін жазалауды міндеттеп, Әділет министрлігінен сот орындаушысына қатысты шара қолдануды талап етті.
Еске салсақ, бұған дейін Алматылық адвокат Джохар Өтебеков Қарағандының қарт тұрғынының құқығын қорғап, ЦентрКредит Банкіне арыз бергені айтылған болатын.
Өтебековтың айтуынша, қарт мүгедек Елена Васильевна ЦентрКредит Банкіне 43 миллион теңге қарыз болып, қиын өмірлік жағдайға тап болған.
«Оның үйі қымбат бағаланды, бірақ банк бұл үйді 26 миллионға сатып алды. Клиент 17 миллион қарыз болып қалды. Схема сұмдық жағдайға жеткен», – деді адвокат жағдайға наразылығын білдірді.
Өтебеков жеке сот орындаушысы Далабаев көзі көрмейтін әйелге келмегенін және қоңырау шалмағанын, оған алдағы сауда туралы хабарламағанын, тек WhatsApp-та жазғанын мәлімдеген.
Джохар Өтебеков көзі көрмейтін қарт әйелдің құқығын тегін қорғаған.
