Сағадат Рахманқұлов мексикалықты нокаутқа түсірді
Спорт
Қысқа сілтеме алу
Жекпе-жек Мексиканың Тихуана қаласында өтті
НҰР-СҰЛТАН, 15 мауым – Sputnik. Жартылай орта салмақтағы қазақстандық боксшы Сағадат Рахманқұлов (5-1, 3 КО) бүгін кәсіби рингтегі кезекті кездесуін өткізді.
Ол Мексиканың Тихуана қаласындағы бокс кеші аясында жергілікті спортшы Даниэл Армандо Валенсуэламен (36-37-2, 21 КО) жекпе-жек өткізді. Алты раундқа жоспарланған кездесуде Сағадат нокаутпен жеңіске жетті, деп хабарлайды Sports.kz.
Бұл кездесу Рахманқұловтың Мексикада алғаш рет өнер көрсетуі. Бұған дейін ол тек АҚШ-та ғана жұдырықтасқан болатын. Қазақстандық спортшының кәсіби рингтегі ісімен белгілі Top Rank промоутерлік компаниясы айналысады.
sputniknews.kz
