Жалғыздықтан қалай құтылуға болады — видео

Жапонияда жалғыз адамдар осы қызметке жиі жүгінетін болған. Олар отбасының рөлін ойнауы үшін бейтаныс жандарға ақша төлеуге даяр

Бірақ қызмет арзан емес: отбасының бір мүшесін жалдау 200 доллар тұрады.

Жапония азаматы Кадзусигэ Нисида бірнеше жыл бұрын әйелі өмірден озған соң, жалғыздықтан құтылу үшін осы қызметке жүгінген. Өзінің туған екі қызы жеке тұрғандықтан, әкесіне сирек келеді екен. Сол себепті ер адам отбасыны жалдауға мәжбүр болып отыр.

Тағы оқыңыз: Жалғыздықтан қалай арылуға болады?

Бұл қызмет Жапонияда кең тарап келеді, дейді фирма өкілдері. Ай сайын 250 өтініш түсіп тұрады екен. Отбасын жалдау қызметін ұсынатын фирманың басшысының айтуынша, бұл шетелдіктерге біртүрлі көрінгенімен, жапон халқы жұрттың пікірімен санасып, қоғамда ел қатарлы өмір сүргісі келеді.

Жалға алынған отбасы қонаққа келіп, араласып, бірге түскі ас ішеді, қыдырады.