Жарты жыл көңіл қосқан ғашықтар үйленер кезде туыс екендерін білді

Қыздың әкесі мен жігіттің анасы туыс болып шыққан

Бойжеткен бес ай кездесіп жүрген жігіті өзінің жақын туысы екенін білді. Ол басынан өткен оқиға туралы Reddit әлеуметтік жаңалықтар сайтында бөліскен.

Gelicca деген қолданушы жазғандай, Hinge танысу қосымшасында жас жігітпен танысып, бірден ғашық болып қалады. Бес ай бойы қыз-жігіт болып жүрген соң, жастар үйленуге шешім қабылдап, бір-бірінің ата-анасымен танысқысы келген.

Тағы оқыңыз: Жігіт қызды алып қашып, полиция бөлімінде пышақтап тастады

Ғашықтар ата-аналарын мейрамханаға шақырыпты. Қыздың әкесі жігіттің анасымен амандаспақ болып, орнынан тұрғанда шындықтың беті ашылды.

«Түрі бозарып кетті. Себебі алдында немере әпкесі тұр еді. Бірнеше секундтан соң ол да әкемді таныды», — деп Gelicca туыстарымен қалай танысқанын еске алды.

Отбасылар бір-бірінен жырақта тұрғандықтан, туысқандар ұзақ уақыт бойы көріспепті. Ақыры соңында қыз бен жігіт айырылысты, себебі отбасы діни ұстанымда екен. Бойжеткен қатты қиналғанын жасырмады.

Тағы оқыңыз: Жағажайда жыныстық қатынасқа түскен қыз бен жігіт ұсталды