Дубайдан қаламыз ба? Ақтауда пальма ағаштары «өсетін» болды

Каспий жағалауында 100 пальма орнатылмақ. Бұл әрине, жасанды ағаштар болады. Алып пальмалар биыл жазда Ақтауда жағалау бойында орнатылмақ, деп хабарлайды Zakon.kz, Хабар 24 сайтына сілтеме жасап.

Бұл пальмалар – қала тұрғындарына демеушілер тарапынан жасалатын ерекше сыйлық болмақ. Жобаның құны әзірге құпияда сақтаулы.

Әзірге жағалауда екі жасанды құрма пальмасы орнатылды. Олардың биіктігі – 11 метр.

Айта кетерлігі, қала тұрғындары бұл нысандарға ерекше қызығушылық танытуда. Олар ауа-райының қолайсыздығына қарамастан тропикалық өсімдікке көптеп келіп, жаппай суретке түсуде.

Шілде айына қарай жасанды пальмалар көбейеді: Каспий теңізінің жағалауымен 1,5 шақырымдық сызық бойына 100 тал пальма отырғызу көзделген екен.

Telegram арнасындағы маңызды жаңалықтар «zakon.kz». Жазылу!