Адамдардың ең абзалы кім?

Күндердің күнінде ардақты Пайғамбарымыз Мұхаммедке (с.а.у.) мұсылмандар келіп былай сұрақ қойыпты:

— Адамдардың ішінде ең абзалы кім? Пайғамбар (с.а.у) сөз алып:

— Жүрегі таза және тілі шындықты сөйлейтін адам,-дейді. Мұсылмандар түсінбеген сыңай танытып:

— Ей, Алланың елшісі (с.а.у.) тілді түсіндік бірақ, жүректің тазалығын қалай түсінеміз,-деп қайта сұрайды.

Сонда Пайғамбар (с.а.у.):

— Алладан шынайы қорқатын, дақ түспеген, күнәға батпаған, арсыздыққа бой алдырмаған, дұшпандық тұтпаған әрі көреалмаушылық пен қызғаншақтық сезімін татпаған жүрек – таза жүрек,-деген екен.  

Жалғас АСХАТҰЛЫ,

дінтанушы