Астанада отшашу қайда және қашан болады

Жаңа жыл түні қалалық алаңда, «Хан Шатыр» сауда орталығының жанында және Ботаникалық бақта отандық эстрада жұлдыздарының қатысумен концерт өтеді

АСТАНА, 31 желтоқсан — Sputnik. Жаңа жылдық отшашу елорданың үш ауданында 31 желтоқсаннан 1 қаңтарға қараған түні болады. 

Жаңа  жылға арналған мерекелік отшашуды Есіл өзенінің жағалауынан, «Хан Шатыр» сауда, ойын-сауық орталығының аумағында, сондай-ақ Пушкин көшесі мен Абылайхан даңғылының қиылысындағы гүлбақта тамашалауға болады.

Отшашу жергілікті уақыт бойынша сағат 00:00-де іске қосылады.  

Астанада Жаңа жыл мерекесінде қайда баруға болады?

31 желтоқсан күні отандық эстрада жұлдыздары елордада тұрғындары мен қонақтары үшін концерт береді.

Мерекелік бағдарлама сағат 21:00-де қала әкімдігі ғимаратының алдындағы алаңда, «Хан Шатыр» сауда, ойын-сауық орталығының жанында және Ботаникалық бақта басталады.

Елорда циркінде 7 қаңтарға дейін, сенбі және жексенбіде сағат 16:00-де «Бақыт құсы» бағдарламасы өтеді. Тәуелсіздік сарайында бірқатар көрме ұйымдастырылады. 6 қаңтарға дейін Сейсенхан Махамбетовтың туындыларының экспозициясы, сондай-ақ «Антиквариат» көрмесі ашық болады.

Өтіп бара жатқан жылдың соңғы күнінде сағат 15:00-де «Астана Опера» театрында «Астана Опера» концерті, ал 5 қаңтарда сағат 12:00-де «Жануарлар карнавалы» зоологиялық қиял-ғажайып көрермендерді қуантады.

Синоптиктер Жаңа жыл қарсаңында ауа райы қандай болатынын айтты

Кішкентай балаларды 1 қаңтардан 6 қаңтарға дейін, сенбі және жексенбі күндері сағат 12:00-ден 14: 00-ге дейін қуыршақ театры күтеді, онда жалмауыз кемпірдің қитұрқы істері туралы жаңа жылдық ертегі көрсетіледі.