Коммуналдық және шұғыл қызметтердің бірыңғай диспетчерлігі іске қосылады
Облыс әкімі Бердібек Сапарбаев «IT Space» компаниясының президенті Қаныш Төлеушинмен кездесті
Кездесу кезінде өңір басшысына барлық коммуналды қызметтердің «109» және барлық шұғыл әрекет ету қызметтерінің «112» нөмірлері бойынша автоматтандырылған ақпараттық жүйесі таныстырылды.
Аталмыш жүйені әзірлеушілердің мәліметтері бойынша бірыңғай диспетчерлікті енгізудің басты ерекшелігі сол — тұрғындардың шұғыл қызметтерге қол жеткізуі айтарлықтай жеңілдейтін болады. Өйткені қызметтерді таңдау және олардың әрекет етуі үшін жауаптыларды хабардар ету міндеті қоңырауды нақты жіктеу мен тапсырманы бейінді қызметтерге беру жұмыстары операторларға жүктеледі. Бұдан басқа, адамдардың кез келген жүгінуі жүйеде тіркеліп, оны назарсыз қалдыруға мүмкіндік бермейді.
Кездесу қорытындысында облыс басшысы жауапты мемлекеттік органдарға аталған жобаны мұқият зерттеп, тиісті ұсыныстар енгізуді тапсырды.
