Тәуелсіздіктің 30 жылдығына өңірлерді дамытуға арналған бағдарлама қажет
– «Біз қазірден бастап Тәуелсіздіктің 30 жылдығына дайындалуымыз керек. Бұл жөнінде арнайы тапсырмалар беремін. Атап айтқанда, Тәуелсіздіктің 30 жылдығы қарсаңында барлық өңірлерді дамытуды қолға алу қажет. Кей өңірде ауызсу жоқ, кей өңірде коммуналдық шаруашылық ескірген. Кей аймақтың ішкі жолдары нашар. Әр облыстың кемшін тұстарын анықтап, Жол картасымен қаражат бөлу керек. Тәуелсіздіктің 30 жылдығын әдемі қалалармен және орталықтармен қарсы алуымыз керек. Міне, осындай бағдарламаны жүзеге асырамыз деп ойлаймын», — деді ел Президенті Нұрсұлтан Назарбаев отандық БАҚ өкілдеріне берген сұхбатында.
