«Ауыл клубына келгендей болдық»: Ақтөбелік көрермен Нұрболат Абдуллиннің концертін сынға алды — новости Казахстана
Ақтөбедегі Cтуденттер сарайында Нұрболат Абдуллин жеке концертін берді. Алайда туған жеріне келген әншінің концерті ауылдастарына ұнамаған.
«Ұйымдастыру жағы нашар. Сырт киім шешетін орын жоқ. Концертті жүргізетін жүргізуші болмаған. Нұрболат уақытты созу үшін сахнада әзіл сияқты бірдеңелер айтты. Ауылдың клубында отырғандай болдық» деп жазады ақтөбелік тұрғын zhaloby aktobe парақшасында.
Айта кетейік, бұл концертке Ерке Есмахан да қатысу керек болған. Алайда әнші науқастанып қалғанын айтып, кешке қатыса алмаған. Әнші өзінің бұл ісі үшін көпшіліктен кешірім де сұраған.
Алайда желідегілер «Ерке болмаған соң, концертті басқа күнге ауыстыру керек еді» деп жазған.
«Бір күн дем алмай, Қазақстанның әр түкпірін шарлап, тыңдармандарымды қуантып жүргенімде, өзімнің туған жеріме келіп, қатты науқастан қалдым. Концертіме қатыса алмай қалғаным жаныма батып отыр», — деп жазды Ерке Instagram парақшасында.
