“Сәбиімнен айырылып қалдым” — Мереке Қалбаева ел білмейтін құпияларымен бөлісті

Әнші, актриса, жайдарманшы Мереке Қалбаева әлеуметтік желідегі парақшасында ел білмейтін құпиясымен бөлісті. Ол құрсағына біткен сәбиінен жүктілігінің алғашқы мерзімдерінде айырылып қалған. 

«Бірінші жүктілігімде өте кішкентай мерзімінде балам түсіп қалды. Алланың қалауы солай болды…

Ал Аруды көтергенімді білгелі қорыққаннан әр апта УЗИ-ға баратынмын, Алладан аман сау туылуын әр секунд сайын тіледім. Аллаға шүкір дені сау, 12 мүшесі түгел ханшайым дүниеге келді, бірақ өте жылауық болды. Түннен таңға, таңнан кешке дейін бесікте тербетіп, қолда көтердік… Бір күні Аралдағы үйімізде таңға дейін бесік тербетіп отырып, осы «Тәтті» әнін шығардым. Жүрегімнен шығып қайта-қайта айтатынмын, Ару да осы әнді тыңдап өзіне арналғанын білгендей тыныш ұйықтайтын. Әннің құдіреті қалай ия?) Аллаға шүкір қазіргі таңда барлық кішкентайдың ең сүйікті әні деп сенімді айта аламын.

Осы әннен кейін шабытымды тоқтата алмай біраз ән шығардым», — деп жазған ол.

фото: Lmusic