Назарбаев Университетінің ректоры атақты блогерді сотқа берді
![](https://kznews.kz/wp-content/uploads/2022/11/Screenshot_20221129-170333_Chrome.jpg)
Назарбаев Университетінің ректоры Шигео Катсу блогер Денис Кривошеевті сотқа берді, — деп хабарлайды Kznews.kz сайты Orda.kz агенттігіне сілтеме жасап.
Ол жоғары оқу орны мен Назарбаев Зияткерлік мектептерін «беделі жоқ» мекемелер деп атап, олардың дамуына миллиардтаған теңге бөлудің орынсыз екенін жеткізген.
Сонымен қатар, ол ректорды хатшысы Әсемгүл Каленовамен жарғылық емес қарым-қатынаста болды деп айып таққан.
Тағы да оқу орнындағы жағымсыз атмосфера, ұжымның бөлінуі және білікті кадрлардың кетіп жатқанын айтқан.
Мекеме блогердің үстінен сотқа шағым түсірді. Назарбаев Университетінің баспасөз қызметі соңғы уақытта университет туралы жалған ақпарат жариялау жағдайлары жиілеп кеткенін мәлімдейді.
Фото: the-steppe.com