Тоқаев Алматыда мультибрендтік автомобиль зауытының құрылысын іске қосты

Алматыға жұмыс сапары аясында Тоқаев Changan, Chery, Haval маркалы автомобильдер шығаратын зауыт құрылысын бастады.

Президентке жобаның паспорты ұсынылды және 2024 жылдың төртінші тоқсанында ашылуы жоспарланған шағын торапты құрастыру әдісімен автомобильдер шығаратын болашақ зауыттың макеті таныстырылды. Мемлекет басшысына өндірістік үй-жайлардың ауданы 100 мың шаршы метрден асатынын хабарлады. Үш автобрендтің әрқайсысы үшін жеке дәнекерлеу және құрастыру цехын салу жоспарлануда.

Пайдалануға берілгеннен кейін жаңа зауыттың өндірістік қуаты жылына 90 мыңнан астам автокөлікті құрайды. Инвестициялардың жалпы көлемі 100 млрд теңгеден асады. «Astana Motors» компаниясының кәсіпорнында 2200 жұмыс орны құрылады.

Жобамен танысқаннан кейін Мемлекет басшысы зауыт қызметкерлерімен сөйлесті.

– Бұл біздің еліміз үшін өте қажет жоба. Оны жүзеге асыруда сәттілік тілеймін. Биыл ҚХР Төрағасы Си Цзиньпин мырзаның Қазақстанға сапары барысында келіссөздер барысында біз осы жобаны да талқыладық. Бүгін біз нәтижені көріп отырмыз — оны жүзеге асыру басталды, — деді Президент.

http://t.me/orda_kz
Фото: exk.kz