Көшеден нәресте тауып алған ана полицияны алдамақ болған

Қызылордада көшеден жаңа туған нәрестені тауып алған әйел полицияға арызданған. Тәртіп сақшылары арызданушының «табылған» баланың анасы екенін анықтады, деп хабарлайды Kznews.kz жаңалықтар порталы.

Облыстық полиция департаментінің баспасөз қызметі 2022 жылғы 15 сәуірде сағат 19:30 шамасында Қазалы ауданы, Әйтеке би кентінің шетінен жаңа туған нәрестенің табылуы бойынша сотқа дейінгі тергеу амалдары басталғанын хабарлады.

«Полицейлер баланы тауып алған ауыл тұрғыны оның анасы екенін анықтады, оны өзі босанған, ал полицейлерге «нәрестені көшеден тауып алдым» деп жалған ақпарат таратқан», – деп хабарлады департаменттің баспасөз қызметі.

Қазір ана мен бала перзентханада емделіп жатыр.

«Сотқа дейінгі тергеу амалдары жүргізілуде», – деп хабарлады полиция.

Бұған дейін Қостанайда жаңа туған нәресте салынған сөмке табылғаны туралы белгілі болған.

(ақпарат:stan.kz, фото:elana.kz)