Вакцина алған үй жануарлары тегін «сүндеттеледі»

Елордада жануарларға арналған орындардағы иттер мен мысықтарға тегін кастрациялау және зарарсыздандыру жалғасып жатыр. Қаңғыбас жануарлардың санын азайту мақсатында қолға алынған шара аясында елордада 1500 мысық пен 2500 итті зарарсыздандыру және кастрациялау жоспарланған, деп хабарлайды қала әкімдігінің ресми сайты.
Ота «INUCOBO» Қазақстандағы жануарларды қорғау қауымдастығы беретін талондардың негізінде жүргізіледі. Талонды Нұр-Сұлтан қаласы, Кенесары көшесі 52 мекен-жайынан алуға болады. Немесе 8-701-012-86-12 телефоны арқылы алдын ала жазылу керек.
Зарарсыздандыру және кастрациялау жүргізілетін үй жануарларының дені сау және құрт ауруларынан емделген болуы керек. Сондай-ақ олардың вакцина алғаны және отаға дейінгі 4-6 сағат бұрын аштық диетасын ұстанғаны жөн.