Лукашенко Ресей мен Қытай қатысатын үшінші дүниежүзілік соғысты болжады

Еуропа елдерінің Беларуське, Ресейге және Қытайға қарсы гибридті шабуылдары үшінші дүниежүзілік соғысқа әкелуі мүмкін. Мұндай пікірді Беларусь  президенті Александр Лукашенко Sky News Arabia арнасына берген сұхбатында айтты, деп хабарлады РИА Новости.

Оның айтуынша, Батыс елдерінің Беларусьтің ішкі істеріне араласуы, мемлекеттік төңкеріс ұйымдастыруға тырысуы, сондай-ақ беларусьтерге бағытталған ақпараттық насихат, сайып келгенде, жаһандық жанжалға алып келеді. Еуропа елдері бастаған соғыстың негізгі қатысушылары Беларусь, Ресей және Қытай болады, деп қосты Лукашенко.

Лукашенко Еуропа елдері бойынша ол қарапайым азаматтарды емес, барлық жағдайда АҚШ-тың нұсқауларын орындайтын және өздерінің сыртқы саяси стратегиялары бойынша шешімдер қабылдай алмайтын «жынды саясаткерлерді» білдіретінін атап өтті.

«Америка Құрама Штаттары мен Батыс Еуропа елдері арасындағы қатынастар — бұл метрополия мен колония арасындағы қатынас», — деді Беларусь президенті. Бұған дейін Лукашенко Беларусь суық емес, «мұз» соғысы алдында тұр деп айтқан болатын. Ол Беларусь гибридтік қысымға бой алдырмаған жағдайда ғана төтеп бере алатынын атап өтті.

2 шілдеде Беларусь басшысы елде үкіметті құлату мақсатында шетелдік арнайы қызметтер құрған «ұйықтап жатқан» террористік топтардың желісі анықталғанын хабарлады. Оның айтуынша, осындай топтары өзін-өзі қорғау отрядтарының атын жамылып, олар белгіленген күнде мемлекеттік төңкеріс жасамақ болған. Лукашенко Украинаны, АҚШ-ты, Германияны, Польшаны және Литваны террористік желі құруға қатысты деп айыптады.

Беларусьтің Батыс елдерімен қарым-қатынасы республикадағы 2020 жылғы тамызда өткен және Лукашенко алтыншы рет жеңіске жеткен президенттік сайлаудан кейін күрт нашарлады. Беларусь билігі аяусыз басып-жаншып жіберген сайлау нәтижелеріне байланысты басталған жаппай наразылық Батыс елдерінде үлкен резонанс тудырды. Лукашенконың өзі митингілерді ұйымдастырудың артында еуропалық саяси элита тұр деп бірнеше рет мәлімдеді.

Керімсал Жұбатқанов, Қазақ-Орыс халықаралық университетінің доценті, тарих ғылымдарының кандидаты