Қазақстанда кімдер вакцинациядан босатылады
Қазақстандықтарды медициналық көрсеткіштер бойынша вакцинациядан кім босатылады деген сұрақ мазалайды. Бірнеше жылдан бері басқа аурумен күресіп келе жатқандар да не істерін білмей жүр. Ал вакцина салдырғысы келмегендер жолын тауып, екпе салуға болмайтыны туралы медициналық анықтама алуға тырысып жатыр, деп хабарлайды Информбюро.
Бірнеше жыл бұрын Мира Азизи онкологияға шалдықты. 12 химиятерапия курсынан, ондағаг процедуралардан өтіп, ақыры жағдайы жақсарды. Қатерлі ісікпен күрес әйелді өз денсаулығына барынша мұқият қарауға және ағзасын тыңдауға үйретті. Ремиссия кезеңінде емдеуші дәрігердің рұқсатын алып, ол коронавирусқа қарсы екпе алды.
“Мен кейбір процедуралардан өтіп жатқаныма қарамастан, өзімді осы арамза аурудан қорғанғандай сезінемін. Осы уақытқа дейін коронавирус ауырған науқастарды кездестірдім, маған ешбірінен жұқпады”, – дейді Алматы қаласының тұрғыны Мира Азизи.
Бірақ емделіп, екпеден аулақ болғысы келетіндер көп. Дәрігерлер Мирадан айырмашылығы, кейбір науқастар себепсіз анықтама алғысы келетінін айтады.
“Қандай да бір себептермен медициналық анықтаманы қажет ететін немесе алғысы келетін науқастар жиі келеді. Бірақ медициналық көмек тек пациенттің айтуы бойынша берілмейді, оған нақты себептер болуы керек. Ол дәрігердің есебінде болуы керек, оның ауыр аурулары болуы керек”, – деді №36 емхананың мобильді бригадаларының меңгерушісі Ілияс Сағиев.
Медициналық анықтама беру үшін пациенттен эпиданамнез жиналады, осаған дейін жазылған медициналық тарихының бәрін тексереді, қысым мен сатурацияны өлшейді. Егер осының бәрінен кейін адамда маңызды ештеңе анықталмаса, пациент анықтама ала алмайды. Науқаста жедел инфекциялық немесе инфекциялық емес аурулар болған кезде, айыққаннан кейін бір айдан соң вакцинаны алуға мәжбүр болады. Егер пациент COVID-19-бен ауырса, онда вакцинация алты айдан кейін жүргізіледі. Ал симптомсыз немес жеңіл болса, үш айдан кейін вакцина салдырады.
“Диспансерлік есепте тұрған, декомпенсацияланған сатылары бар пациенттердегі барлық аурулар. Яғни, мысалы, III типті қант диабеті. Гормоналды препараттарды қабылдаумен байланысты онкологиялық аурулар. Мысалы, сүт безінің қатерлі ісігі кезінде гормонға тәуелді пациенттерге бірнеше жыл бойы вакцина салуға болмайды. Бірақ науқастар, оның ішінде химиотерапия әдістерінің арасында ремиссия бар онкологиялық пациенттер ды вакцинаны қабылдай алады”, – деді №36 емхананың бас дәрігері Гүлжанат Тілеген.
Кейбір шет елдерде тіпті жүкті әйелдер де коронавирусқа қарсы вакцина салдыра бастады. Бізде әлі мұндай тәжірибе жоқ. Емшекпен емізу кезінде немесе ЭКҰ процедурасын жоспарлағандар үшін де қарсы көрсеткіштер бар, дейді дәрігерлер.
Бүгінгі таңда Қазақстанда 4 мың адам уақытша медициналық анықтама алды. Бірақ COVID-ке қарсы вакцинация жасай алмайтындар 4 мың 97 адамды құрайды.
