Алматы облысында жоғары лауазымды полицейдің көлігіне оқ атылды

Алматы облысында жоғары лауазымды полицейдің көлігіне оқ атылды, деп хабарлайды Stan.kz ақпарат агенттігі Алматы облысы ПД баспасөз қызметіне сілтеме жасап.

«26 маусым күні сағат 12:20-да Алматы-Өскемен автожолы, «Арқарлы» асуының учаскесі аумағында жол қозғалысы ережелерін бұзу негізінде жасалған жол дауына байланысты автокөлікте белгісіз біреулер Алматы облысы ПД бастығының бірінші орынбасары Ержан Оразбековтің автокөлігіне қарудан оқ атқаны туралы хабарлама келіп түсті, содан кейін олар қашып кетті», – деп хабарлады полицияда.

Нәтижесінде ешкім зардап шеккен жоқ.

Аталған факті бойынша ҚР ҚК 293-бабы “Бұзақылық” бойынша сотқа дейінгі тергеу басталды. Қазіргі уақытта жасырынған адамдарды анықтау және ұстау бойынша жедел-іздестіру шаралары жүргізілуде.