Қазақстанның Түркиядағы құрметті консулы жол апатынан қайтыс болды
Әлеуметтік желілерден
Қазақстанның Түркиядағы құрметті консулы, белгілі кәсіпкер Халил Улер жол апатынан қайтыс болды.
Оның қайтыс болғанын Қазақстанның Түркиядағы Төтенше және Өкілетті Елшісі Абзал Сапарбекұлы өзінің Facebook парақшасында хабарлады .
Кәсіпкермен бірге оның әйелі Фатма Улер де жол апатынан қайтыс болды.
«Халил Улер тек өз елінің патриоты ғана емес, сонымен бірге қазақ халқының шынайы досы болды. Ол түрік әлеміне тәнті болған. Ол Түркияда Қазақстанның туын мақтанышпен көтерген табысты кәсіпкер болды. Пандемия кезінде ол студенттерге көмектесті, сонымен қатар Түркиядан Қазақстанға гуманитарлық көмек жіберуге қатысты», — деп жазды Абзал Сапарбекұлы.
Ол сонымен бірге Улердің Қазақстанға инвестиция тарту үшін үлкен жұмыс жасағанын, сондай-ақ түрік пен қазақ халықтарының арасындағы бауырластық қатынастарды нығайту үшін барлық мүмкіндікті жасағанын атап өтті.
Хабар 24 телеарнасының хабарлауынша , Улер туризм, авиация және медиа секторларындағы сегіз компанияны басқарған. Ерлі-зайыптылардың екі ұлы мен бір қызы бар.
Марқұмның ұлдарының бірі Махмут Сами Улер Facebook-тегі парақшасында ерлі-зайыптыларды жерлеу рәсімі бүгін, 28 сәуірде өтетінін айтты.
