Астаналық әйел 8 жастағы қызын жалаңаш күйінде аязда далаға қуып шыққан
Нұр-Сұлтанда анасы 8 жасар қызды жазалау үшін киімсіз суыққа шығарып жіберген.
Қазір тиісті органдар тергеу жүргізіп жатыр.
«23 жетоқсан сағат 21:20-да полицияға елорда тұрғынан көршісі 6 жастағы ұлы мен 8 жастағы қызын соққыға алып, кішкентай қызды далаға қуып жібергені туралы хабарлама түсті. 35 жастағы келіншек анықталып, осылайша анасы көршілердің киім ілгішін рұқсатсыз алған балаларын жазалағаны белгілі болды. Отбасы тізімге ілініп, қатаң қадағалауға алынды. Қазір құзырлы органдары баланың заңды қамқоршыларына қатысты тергеу жүргізіп жатыр», — дейді қалалық полиция департаментінің баспасөз қызметі.
Балалардың құқығын қорғау комитеті жағдайды бақылауға алғандарын айтты.
«Баланың тұрғылықты жері анықталды. Қазір ол құзырлы органдардың қадағалауында, қауіпсіз жерде. Балаға көмек көрсетілді», — деп хабарлады балалардың құқығын қорғау комитеті.
