Алматыға блокпост қойылады: Сағынтаев жауап берді

Алматы әкімі Бақытжан Сағынтаев мегаполис тұрғындарының қала айналасында бақылау-өткізу бекеттерін орнату ықтималдығы туралы сұрағына жауап берді.

Алматылықтар мен басқа облыстардың тұрғындары коронавирус пандемиясына байланысты көктемдегі сияқты Алматының тағы жабылып қалуынан алаңдайды.

«Алматының жабылатын-жабылмайтындығы бізге байланысты. Егер біз маска режимін және әлеуметтік алшақтықты сақтамасақ, тоймен жүре берсек, мүмкін, біз қаланы жабамыз» деді Сағынтаев.

«Бақылау бекеттері орнатылса көпшілік жұмысқа және қалаға жете алмайтынын көрдік. Мұнда бәрі тек Алматыға ғана емес, сонымен қатар Алматы агломерациясына байланысты, өйткені біз Алматы облысынан бөліне алмаймыз. 

Бізбен жұмыс істеуге облыстан көптеген адамдар келеді, оның ішінде мемлекеттік қызметкерлер мен медицина қызметкерлері.

Сондықтан, бәрі бізге байланысты, егер біз мұны қаламасақ (қаланы жабу керек — авторлық ескерту), онда барлық карантиндік шаралар сақталуы керек. Әйтпесе, амал жоқ, біз оны жасауға мәжбүр боламыз (қаланы жабу үшін», — деді әкім.