Олимпиада ойындарының күміс жүлдегері өмірден өтті

Нысана көздеуден 1996 жылғы Олимпиада ойындарының екі дүркін күміс жүлдегері, елімізге еңбек сіңірген спорт шебері Сергей Беляев 60 жасқа қараған шағында қайтыс болды. Бұл туралы Қазақстан спорттық ату федерациясы хабарлады.

«Сергей Николаевич Қазақстандағы ату спортының тарихында өшпес із қалдырып, нысана көздеу спортының дамуына өлшеусіз үлес қосты. Көптеген чемпионды тәрбиеледі. Туыстары мен жақындарына қайғырып көңіл айтамыз», — делінген федерация хабарламасында.