Ақтаулық бала Бірінші арнадағы «Лучше всех» бағдарламасына қатысты — Бір үзік

Сегіз жастағы ақтаулық Дени Аккушимов Бірінші арнадағы Максим Галкиннің «Лучше всех» бағдарламасында өнер көрсетті, — деп хабарлайды «Тумба» тілшісі.

Бала танымал шоудың көрермендері мен жүргізушісін лезгинка биімен таңғалдырды. Ол бағдарамаға анасы және әпкесімен келген.  

«Лезгинка — әсерлі би. Мен өнер көрсетіп жатқанда көрермендердің өте қатты қол шапалақтап жатқанын естимін. Сонымен қатар, ұлттық билерді жақсы көремін және менің каратеден сары белдеуім бар», — дейді Дени.

Жас әртістің анасы Амина Аккушимованың айтуынша, ұлы өте жігерлі және белсенді, сондықтан ол тіпті автобус аялдамасында ешкімнен ұялмастан билей бере алады.

Шығармашылық нөмір көрсеткені үшін Қазақстаннан келген қатысушы құрмет грамотасымен марапатталды.